Ироқ ҳукумати Беларус-Полша чегараси ҳудудидан 3,5 мингдан ортиқ ватандошларини эвакуация қилди. Бу ҳақда Ироқ ТИВ расмий вакили Аҳмад ал-Саҳҳаф маълум қилди.
Уларни чегарадан олиб кетиш учун 9 та экспорт рейслари ташкил этилди.
“Ҳозиргача Минскдан тўққизта экспорт рейсларда икки давлат чегарасида қолиб кетган 3556 нафар муҳожир ўз ихтиёри билан ўз ватанларига қайтарилди", - дейилади хабарда.
Аҳмад ал-Саҳҳаф, шунингдек, 383 нафар ироқлик йўқолган паспорт ўрнига янги паспорт олганини айтди.
Эслатиб ўтамиз, бундан икки кун аввал муҳожирлар бўлган яна бир самолёт Беларусдан Ироққа жўнаб кетган эди. Ироқ ҳаво йўллари авиакомпаниясининг Минскдан Эрбилга учаётган самолётида 417 нафар йўловчи, жумладан икки нафар бола рўйхатдан ўтган.
Аввалроқ Европа Иттифоқи Беларусдан ўз ватанига қайтишни хоҳловчи муҳожирларга ёрдам бериш учун 3,5 миллион еврога яқин маблағ ажратгани ҳақида хабар қилинганди.