Испаниянинг Мадрид шаҳрида ўтказилган “Movistar Madrid Medio Maraton” ярим марафони давомида қайғули ҳолат юз берди. Мусобақа иштирокчиларидан бири финиш чизиғига оз қолганда юраги тўхтаб қолиши натижасида вафот этди.
Ташкилотчилар ва тиббий хизматлар зудлик билан ёрдам кўрсатган бўлишсада, афсуски, унинг ҳаётини сақлаб қолиш имкони бўлмаган. Ҳодиса юзасидан расмий тергов ишлари олиб борилмоқда.
Марафон ташкилотчилари ва шаҳар аҳолиси марҳумнинг яқинларига ҳамдардлик билдиришди.