Жанубий Африка Республикасининг жануби-шарқий қисмида кучли ёмғир сабаб юзага келган сув тошқини оқибатида камида 22 киши ҳалок бўлди. Бу ҳақда АФП нашри хабар берди.
Унга кўра, Квазулу-Натал ва Шарқий Кейп вилоятларида қурбонлар сони 22 кишига етган. 50 дан ортиқ киши жароҳатланган. Аввалроқ 12 кишининг ўлими ҳақида хабар берилган эди.
Сув тошқини бошланганидан буён икки мингдан ортиқ аҳоли хавфли ҳудудлардан эвакуация қилинган, дейилади хабарларда.