Украина президенти Владимир Зеленский Буюк Британия бош вазири Борис Жонсон билан учрашди. Бу Британия ҳукумати раҳбарининг Украинада уруш бошланганидан бери Киевга иккинчи ташрифидир.
Зеленскийнинг сўзларига кўра, музокаралар мазмунли ўтди, асосий масалалар қаторида икки томонлама муносабатлар, Европа ва дунёдаги умумий вазият бор. Бундан ташқари, суҳбатдошлар Украинанинг молиявий ва иқтисодий ёрдамга муҳтожлигини муҳокама қилдилар.
Владимир Зеленский ва Борис Жонсон Россия Федерациясига нисбатан санкцияларни кучайтириш масаласини кўтардилар.
Буюк Британия бош вазири Украинани қурол-яроғ билан таъминлашни давом этириш ҳақида гапирди.