Жанубий Африка вирусологи Тулио де Оливейра XBB.1.5 омикрон штаммининг янги субварианти топилганини маълум қилди. Бу ҳақда «Интерфакс» нашри ёзмоқда.
Қайд этилишича, янги вариант «Кракен» деб номланади. Ҳозир мутациянинг хавфлилик ва юқумлилик даражаси ўрганилмоқда.
Тулио де Оливейра ўз жамоаси билан 2020 йилда «Бета» ва 2021 йилда «омикрон» штаммини аниқлаб, жаҳон миқёсида шуҳрат қозонганди.
Бундан аввалроқ Жаҳон соғлиқни сақлаш ташкилоти омикрон штаммининг XBB.1.5 субвариантини ҳозиргача аниқланганлар ичида “энг юқумлиси” деб атаганди.