Журналист Руди Галеттининг хабар беришича, "Манчестер Юнайтед" "Севиля" ҳужумчиси Юсуф Эн-Несирининг трансфери борасида таклиф билан чиқишга тайёр.
27 ёшли марокашлик учун эҳтимолий таклиф 15-20 миллион евро атрофида бўлади, футболчининг ўзи аллақачон бундай трансферга рози бўлган. 2023/2024 йилги мавсумда ҳужумчи испан клуби сафида 41 та ўйинда майдонга тушиб, 20 та гол урди ва 3 та голли узатмани амалга оширди.
Футболчининг клуб билан шартномаси 2025 йилнинг ёзига қадар мўлжалланган. Трансфермаркт порталида берилган маълумотларга кўра, ҳужумчининг бозор қиймати 18 миллион еврони ташкил қилади.