Америкалик тадбиркор Илон Маск “Bloomberg Billionaires Index”талқини бўйича дунёнинг энг бой одамлари рўйхатида яна биринчи ўринни эгаллади.
4 декабрь ҳолатига, "Tesla" ва “SpaceX” компаниялари раҳбарининг бойлиги $222 млрдга баҳоламоқда. Қайд этилишича, 2023 йил бошидан буён у ўз капиталини $85,8 млрдга оширган. Иккинчи ўринда "Amazon" асосчиси Жефф Безос, унинг бойлиги $171 млрдга баҳоланган. Кучли учликни “Louis Vuitton Moet Hennessy” раҳбари ва эгаси Бернард Арно $168 млрд бойлиги билан якунлади.
2022 йил декабрида "Forbes" журнали томонидан тузилган янги “Real Time Billionaires” рейтингига кўра, Илон Маск энг бой одамлар рейтингида биринчи ўринни бой берганди. Кучли учликни «Амазон» асосчиси Жефф Безос $117 млрд бойлиги билан якунлади. Тўртинчи ўринда “Microsoft” асосчиси Билл Гейтс, “Berkshire Hathaway” инвестиция холдинги бош директори Уоррен Баффет бешинчи ўринда турибди.
2023 йил январь ойида Илон Маск шахсий бойлигини йўқотиш бўйича “Гиннесс рекордлари китоби"га киритилганди. Қайд этилишича, 2022 йилда Маскнинг бойлиги рекорд даражада, яъни $200 млрдга камайган.
“Маскнинг умумий йўқотишлари 2000 йилда япон технология инвестори Масаёши Сон томонидан ўрнатилган $58,6 млрдлик рекорддан анча ошиб кетди”, - дейилади хабарда. Шунингдек, йил давомида тадбиркор капиталининг асосини ташкил этувчи "Tesla" акциялари 65%га тушган. Асосий пасайиш Маскнинг “Тwitter"ни сотиб олишни эълон қилинганидан кейин содир бўлган.