Франция терма жамоаси ҳужумчиси Килиан Мбаппе Испаниянинг “Реал Мадрид” футбол клуби билан шартнома имзолади. Бу ҳақда журналист Фабрицио Романо ўзининг Х саҳифасида маълум қилди.
Маълумот учун, Мбаппе ҳозирда 25 ёшда ва у аввал ПСЖда ўйнаган. Жамоа таркибида футболчи беш карра Франция чемпиони, уч карра мамлакат кубоги ва суперкубоги соҳиби бўлди, икки марта Лига кубогини қўлга киритди.
Футболчи “Монакол”да ҳам ўйнаган, у билан Франция чемпионлигини қўлга киритган. Миллий терма жамоа таркибида Мбаппе 2018 йил Россияда бўлиб ўтган жаҳон чемпионатида ғолиб чиқди ва 2022 йил Қатарда бўлиб ўтган жаҳон чемпионатида кумуш медални қўлга киритди.