Мянмада мактабга қилинган ҳаво ҳужумлари ва жангларда камида 11 нафар бола ҳалок бўлди. Яна 15 нафар вояга етмаганлар бедарак йўқолган.
Маълум қилинишича, армиянинг исёнчиларга қарши навбатдаги операцияси вақтида таълим муассасаси вертолётлардан ўққа тутилган. Гувоҳлар ҳарбийларни тинч аҳолини нишонга олишда айбламоқда.
Мянмада 2021 йилнинг февраль ойидан бери жанглар ва зўравонликлар тўхтамаяпти. Тўқнашувда қурбон бўлганларнинг аниқ сони маълум эмас. Халқаро ташкилотлар ҳалок бўлганлар сони минглаб эканини таъкидламоқда.