Навоий вилоятида иқтисодий жиноятларга қарши курашиш доирасида Наманган вилояти Чортоқ туманида ўтказилган тезкор тадбирда қалбаки банкнотларни муомалага киритиш ҳолати фош этилди. Бу иш Давлат хавфсизлик хизмати ва Ички ишлар органлари ҳамкорлигида амалга оширилган.
Хусусан, Андижон вилоятининг Асака туманида яшовчи, 2005 йилда туғилган шахс “шартли харидор”га 200 дона 100 минг сўмлик ва 125 дона 200 минг сўмлик қалбаки банкнотни 18 млн сўмга сотаётган вақтида ушланди.
Шунингдек, унинг ёнидан қўшимча 5 млн сўмлик қалбаки пул ҳам топилди (100 минг сўмлик купюраларда).
Унинг яшаш хонадонидан эса лаптоп, рангли принтер, бўёқлар ва қоғозлар ҳам ашёвий далил сифатида олиб қўйилди.
Қайд этилишича, ушбу шахс илгари ҳам шундай жиноят содир этгани учун судланган.
Ҳозирда унга нисбатан ЖКнинг 176-моддаси 2-қисми «а» банди билан жиноят иши қўзғатилган ва «қамоқ» эҳтиёт чора сифатида қўлланилган. Тергов ҳаракатлари давом этмоқда.