Нигериянинг Моква шаҳрида юз берган кучли сув тошқинлари оқибатида камида 36 киши ҳалок бўлди. Бу ҳақда маҳаллий расмийлар маълум қилди.
Тошқин натижасида 50 дан ортиқ уй бутунлай вайрон бўлган, юзлаб одамлар бошпанасиз қолган. Қутқарув ишлари давом этмоқда, қурбонлар сони ортиши мумкинлиги таъкидланмоқда.
Маҳаллий ҳукумат ҳодисани фавқулодда ҳолат деб эълон қилди ва ёрдам кучларини сафарбар этди. Аҳоли хавфсиз ҳудудларга эвакуация қилинмоқда.