Тошкент вилоятининг Оҳангарон шаҳрида аёл маст ҳолатда турмуш ўртоғини пичоқлаб қўйди.
Қайд этилишича, 11 октябрь куни Оҳангарон шаҳри "Оҳунбобоев" маҳалласида яшовчи 28 ёшли З.Каримова хонадонида шаръий никоҳдаги турмуш ўртоғи 33 ёшли А.Шарипов билан спиртли ичимлик истеъмол қилиб, келишмовчилик сабабли ўзаро жанжаллашиб қолган. Шунда аёл ошхона пичоғи билан унинг кўкрак соҳасига бир маротаба уриб, қасддан ўлдирган.
Ҳолат юзасидан шаҳар прокуратураси томонидан З.Каримовага нисбатан Жиноят кодексининг 97-моддаси (Қасддан одам ўлдириш)1-қисми билан жиноят иши қўзғатилиб, у Жиноят-процессуал кодексининг 221-моддаси тартибида ушланган.