Россиялик олимлар Антарктидада тарвуз етиштиришди, дея хабар бермоқда “Янги Ўзбекистон” нашри.
Қайд этилишича, бунинг учун махсус фитотехник мажмуа ишлаб чиқилган. Улар ўсимликлар учун қулай ҳарорат ва намликни яратишди. Тупроқ ўрнини босувчи, озуқавий эритмалар ва махсус танланган ёруғликдан фойдаланилди, уларнинг спектри қуёш нурига яқин.
103 кун давомида олтита ўсимликда саккизта пишган ва ширин мева етиштирилди. Энди олимлар “Восток” станциясида ўрмон меваларини етиштиришни режалаштирмоқда.