Олимларнинг аниқлашича, лутеолин моддаси қариш жараёнини секинлаштириши ва турли касалликларнинг олдини олиши мумкин. Ушбу табиий антиоксидант кофе, чой, мевалар, сабзавотлар ва кўкатларда мавжуд бўлиб, ҳужайраларни зарарли эркин радикаллардан ҳимоя қилади.
Британиялик терапевт Роб Галловай япон олимлари олиб борган тадқиқот натижаларига таяниб, лутеолиннинг сичқонларда эрта оқариш жараёнини тўхтата олишини маълум қилди. Нагоя университети олимлари ушбу модда крем ва қўшимча озиқ моддалари орқали қўлланганда, сичқонларнинг соч пигментациясига ижобий таъсир кўрсатишини аниқлашди.
Шунингдек, тадқиқотлар лутеолиннинг қариш жараёнида фаол бўладиган п16ИНК4А генининг фаоллигини пасайтиришини кўрсатди. Бу ген ёш ўтиши билан ҳужайраларнинг бўлиниш жараёнини тўхтатади ва қаришни тезлаштиради.
Доктор Галловайнинг таъкидлашича, сочларнинг оқариши билан боғлиқ механизмлар юрак касалликлари ва саратон ривожланишига ҳам таъсир кўрсатиши мумкин. Шунинг учун лüтеолин билан бойитилган маҳсулотларни истеъмол қилиш саломатликни сақлашга ёрдам бериши мумкин. Ушбу модда кўп миқдорда петрушка, брокколи, чой, кофе, мевалар ва сабзавотларда мавжуд.