Касаба уюшмалари федерацияси маълумотларига кўра, 9403 та таълим муассасасида педагогларнинг таътилларига оид буйруқлар ўрганилганда 656 та буйруқни расмийлаштиришда хатоликлар аниқланган.
Қайд этилишича, 8 минг 243 нафар педагог ходимнинг таътил пуллари қайта ҳисоб-китоб қилиниб, педагоглар фойдасига 7 млрд 825 млн 86 минг сўм маблағ ундириб берилган.
Шунингдек, 20 минг 550 нафар педагог ходимнинг «таътил олиш ҳуқуқим бузилди» мазмунидаги мурожаатлари ўрганилиб, улар бўйича тушунтиришлар ва бепул ҳуқуқий маслаҳатлар бериш билан бирга қонуний ҳуқуқлари тикланди.