Ташриф билан Бирлашган Араб Амирликларида бўлиб турган Ўзбекистон ташқи ишлар вазири Бахтиёр Саидов Абу-Дабида Жаҳон метеорология ташкилоти президенти, БАА Миллий метеорология маркази бош директори Абдуллоҳ Ал Мандус билан учрашди.
«Жаҳон метеорология ташкилоти президенти, БАА Миллий метеорология маркази бош директори доктор Абдуллоҳ Ал Мандус Жаноби Олийлари билан самарали учрашув ўтказдик», — дейди Бахтиёр Саидов.
Учрашувда БААда ишлаб чиқилган илғор технологиялар ва янги методологияларни, жумладан, ёмғир ҳосил қилиш усулини Ўзбекистонда, айниқса, Оролбўйи минтақасида жорий этиш истиқболлари муҳокама қилинди.