Тошкент шаҳар ИИББнинг хабар беришича, 2022 йилнинг 12 ойи мобайнида пойтахтда 1200 та йўл-транспорт ҳодисаси содир бўлган. Ҳисобот даврида ЙТҲ оқибатида ҳалок бўлганлар сони 136 нафарни ташкил этган, 1463 нафари тан жароҳати олган.
Унга кўра, ЙТҲларнинг 32,5 фоизини пиёдалар иштирокидаги бахтсиз ҳодисалар ташкил этади. Болалар иштирокида 169 та ЙТҲ содир бўлган. Бунинг оқибатида 56 нафар вояга етмаганлар тан жароҳати олган, 17 нафари вафот этган.
Тезликни ошириш оқибатида 370 та ЙТҲ содир бўлган. 143 нафар ҳайдовчи светофорнинг қизил чироғидан ўтган. 8 та бахтсиз ҳодиса автомобиль рулида ўтирган шахсларнинг маст ҳолатда бўлганлиги сабабли содир бўлган. 73 та ЙТҲ жиддий оқибатларга олиб келган.