Ўзбекистонда 9 ойда 716 885 нафар туғилиш қайд этилган. Бу ҳақда Статистика агентлиги ахборот хизмати хабар берди.
Агентлик маълумотларига кўра, 2023 йилнинг январь-сентябрь ойларида ФҲДЙ органлари томонидан Ўзбекистон Республикасида 716 885 нафар тирик туғилиш ҳолатлари қайд этилган.
Бу кўрсаткич ўтган йилнинг мос даврига нисбатан 5,1 фоизга ошган. 2023 йилнинг 9 ойида туғилганларнинг 371 597 нафарини ўғил болалар ташкил этган бўлса, 345 288 нафари эса қиз болалар.