Ўзбекистонлик альпинист Алёна Аитова Ҳиндистон ва Непал чегарасидаги Ҳимолай тизмасида жойлашган машҳур Island Peak (Imja Tse) чўққисига муваффақиятли кўтарилди. 6189 метр баландликка етган ушбу маррага чиқиш унга ўзбекистонлик аёллар орасида биринчи бўлиш шарафини берди.
Мутахассисларнинг таъкидлашича, Island Peak Эверест томон йўналишнинг муҳим босқичи бўлиб, баланд тоғ шароитига мослашиш, жисмоний чидамлилик ва техник тайёргарликни талаб қиладиган мураккаб чўққилар қаторига киради. Маршрутнинг сўнгги қисми музликлар, тик қор-муз ёнбағирлари ва 50–65 даража қияликлардан иборат.
Кўтарилиш жараёни махсус маҳкамланган арқонлар бўйлаб жумар ёрдамида амалга оширилади, тушиш эса альпинистлар орасида кенг қўлланиладиган "саккизлик" қурилмаси билан бажарилади. Шу боис Island Peak оддий трек эмас, балки тўлиқ техник маҳоратни талаб қилувчи жиддий альпинистик синов сифатида баҳоланади.