Парижда бўлиб ўтган референдумда қатнашганларнинг 90 фоизи шаҳарда электр самокатларни ижарага бериш хизматларини тақиқлаш тарафдори бўлди.
Мер Анн Ҳидалгонинг айтишича, бу "маҳаллий демократия учун катта ғалаба" ва Парижда улардан фойдаланиш 1 сентябргача тугайди. Париж раҳбари велосипед ҳайдаш тарафдори ва аввалроқ электр скутерларни “стресс ва ташвиш манбаи” деб танқид қилган.
Тақиқ тарафдорларининг айтишича, ижарага олганлар уларни дуч келган жойга ташлаб кетмоқда, бу эса пиёдалар ва транспорт воситалари учун хавфли вазиятлар яратмоқда. Тақиқ шахсий электр самокатларга тааллуқли эмас.