Тошкентда ШҲТ давлатлари Хавфсизлик кенгашлари котибларининг 17-йиллик йиғилишида Россия Хавфсизлик кенгаши котиби Николай Патрушев бу йил Қозоғистон ва Ўзбекистонда содир бўлган фавқулодда воқеалар Ғарбнинг у ерда “рангли инқилоблар” уюштиришга уринишлари натижаси эканини айтди.
“Рангли инқилоблар ҳамон Америка услубидаги демократияни тарғиб қилишнинг асосий воситаси бўлиб қолмоқда. Мамлакатимизда ғарбликларнинг уларни қўзғатишга уринишлари мунтазам кузатилмоқда. Масалан, биз 2020 йилда Беларусда, январда Қозоғистонда ва июль ойида Ўзбекистон Қорақалпоғистонда содир бўлган воқеаларни шундай баҳолаймиз”, — деди Патрушев.