Пентагон Украина учун NASAMS тизимларига 1.2 миллиард доллар ажратмоқчи. Мудофаа вазирлиги ушбу тизимларни ишлаб чиқарувчи Raytheon Technologies компаниясига бу бўйича тегишли шартномани топширган.
АҚШ хукумати Украинага жами 8 та шундай ҳаво ҳужумига қарши мудофаа тизимини етказиб беришга розилик билдирган. Ҳозирга қадар уларнинг иккитаси Киевга берилган.
NASAMS ҳаракатдаги ўрта радиусли зенит ракета тизими ҳисобланади. У кичик ва ўрта баландликдаги ҳаво нишонларига қарши курашга мўлжалланган. Ушбу тизим дрон, баллистик ва қанотли ракеталарни, самолёт ва вертолётларни йўқ қила олади.