“Манчестер Сити” ҳужумчиси Эрлинг Ҳоланд нафақат Англия, балки Европада даҳшатли ўйинлари билан ҳаммани ҳайратга солмоқда. Жорий мавсумда норвегиялик футболчи ўртача ҳар бир ўйинда биттадан кўп гол урмоқда. Ҳозирча ҳеч ким ҳужумчини қандай тўхтатиб қолиш йўлини тополмаяпти. Ҳоландда яқин ўн йилликда “Олтин тўп” учун асосий даъвогарлар қаторига кириши учун барча имкониятлар мавжуд. У мазкур совринни қўлга киритган Скандинавия мамлакатлари (Дания, Норвегия, Швеция)нинг иккинчи вакилига айланиши мумкин. Бундан аввал, 1977 йилда Мёнхенгладбахнинг “Боруссия” клубининг даниялик ҳужумчиси Аллан Симонсен ушбу совринни қўлга киритганди.
Бор йўғи 20 та давлат футболчилари “Олтин тўп” соҳибига айланишган. Қуйида булар ҳақида тўлиқроқ маълумотга эга бўлишингиз мумкин.
Аргентина терма жамоаси сафида биргина Лео Месси етти бор мазкур ютуқни қўлга киритган. У 2009, 2010, 2011, 2012, 2015, 2019, 2021 йиллар давомида “Олтин тўп” мукофоти соҳибига айланади. Португалия термасида тўп сурган футболчилар ҳам етти бор ушбу совринга эга чиққан. Криштиану Роналду 2008, 2013, 2014, 2016, 2017 йиллар “Олтин тўп”ни қўлга киритган. Эйсебио 1965 йил, Луиш Фигу эса 2000 йил дунёнинг энг кучли футболчиси деб топилган.
Германия ҳам бу кўрсаткичларда мана шундай натижага эга. Немислардан Франс Беккенбауэр 1972-1976 йиллар ва Карл-Хайнтс Румменигге 1980-1981 йиллар мавсумнинг энг яхши ўйинчиси бўлган. 1970 йил Герд Мюллер, 1990 йил Лотар Маттеус ва 1996 йил Маттиас Саммер ҳам бир мартадан мазкур совринни қўлга киритишган.
Голландиялик футболчилар ҳам бир неча бор “Олтин тўп”га эгалик қилишган. “Тотал футбол” асосчиси Кройфф 1970 йиллар бошида, Ван Бастен эса 80 йилларнинг охири ва 90 йилларнинг бошида уч карра энг яхши футболчи бўлган.
Франция ҳам бу бўйича натижалари билан матана олади. Бир неча кун олдин 2021-2022 йилги “Олтин тўп”ни ҳам айнан франциялик Карим Бензема қўлга киритди. Ундан аввал Платош лақабли Мишел Платини 80 йилларнинг ўрталарида ўзининг энг юқори чўққисида, яъни 1983-1985 йилларда мукофот соҳибига айланган. Бу вақт ичида у “Ювентус”га икки марта Италия чемпионатида ва бир марта Еврокубокда ғалаба қозонишга ёрдам берди. Шунингдек, Франция жамоаси таркибида Евро-1984да ғалаба қозонди.
Зинедин Зидан 1998 йилда французлар биринчи марта жаҳон чемпиони бўлишганида Европанинг энг яхши футболчиси сифатида танланди. Зидан 2000 йилда Фигудан кейин иккинчи ўринни эгаллаб, бу совринга яқин келганди. Агар ярим ҳимоячи 2006 йили Франция терма жамоаси билан жаҳон чемпионатида қатнашганида яна бир бор бу совринга эга бўлиши мумкин эди.
1995 йилгача “Олтин тўп” фақат америкалик футболчиларга берилганида, унда бразилияликлар совринлар сони бўйича катта фарқ билан етакчилик қилган бўларди. Пеле норасмий равишда еттита “Олтин тўп” соҳиби ҳисобланади. “Франcэ Фоотбалл” нашри 1995 йилги маросимда қайта баҳолашни эълон қилди. Овоз бериш жараёнида эса Пеле 1958, 1959, 1960, 1961, 1963, 1964 ва 1970 йилларда “Олтин тўп”ни олиши кераклиги ҳақида қарор қабул қилинди. Гарринча (1962) ва Ромарио (1994) ҳам биттадан соврин олишлари мумкин эди.
Германия каби италияликлар ҳам беш марта “Олтин тўп” соҳибига айланишган. Италияда Алессандро Дел Перо, Франческо Тотти, Паоло Малдини, Андреа Пирло ва Жанлуижи Буффон йилнинг энг яхшилари дея эътироф этилган.
Мукофотнинг биринчи совриндори англиялик футболчи ҳисобланади. 1956 йилда “Блекпул” ҳужумчиси Стенли Метюс совринни Алфредо Ди Стефано ва Раймонд Копедан олдин қўлга киритди. Мухлислар ўша пайтларда футболчининг дриблинги ва жисмоний ҳолати, узатмаларни амалга ошириш қобилиятига қойил қолишган. Бобби Чарлтон 1966 йилда жаҳон чемпионатида ғолиб чиққан Англия терма жамоаси етакчиси эди. Кевин Киган 70 йиллар охирида “Ливерпул” ва “Гамбург”да порлади, бунинг учун у кетма-кет икки марта мукофотга лойиқ кўрилди. Англия футболининг олтин боласи Майкл Оуэн “Ливерпул”даги ажойиб ўйини ва жамоанинг 2001 йилги Англия кубоги, Лига кубоги, UEFА кубоги, шунингдек, Англия Суперкубоги ва UEFА Суперкубогидаги ғалабаси эвазига “Олтин тўп”ни қўлга киритган. Янги асрда бу мукофот британияликлар учун ягона бўлиб қолмоқда.
Дунёга Раул, Хави, Андрес Иниеста, Эмилио Бутрагуэно ва бошқа кўплаб юлдузларни етиштириб берган мамлакат бўлмиш Испаниялик футболчи охирги марта 1960 йил бу соврин қўлга киритилган.
Бундан ташқари Украина, Чехословакия, Шотландия, Венгрия, Дания, Болгария, Либерия, Шимолий Ирландия ва Хорватиялик футболчилари бир мартадан “Олтин тўп” совринига эга чиқишган.