Вазирлар Маҳкамасининг “Кадастр соҳасида айрим давлат хизматлари кўрсатишнинг маъмурий регламентларини тасдиқлаш тўғрисида” қарорига кўра, айрим ҳолларда кадастр паспортини расмийлаштириш бепул амалга оширилади.
Улар қуйидагилар:
—кўчмас мулк объекти бўйича бирламчи кадастр йиғмажилди (паспорти) мавжуд бўлиб, бегоналаштирилганда ёки объектда ўзгаришлар (реконструкция, қўшимча ва алоҳида қурилиш) мавжуд бўлмаганда;
—кўчмас мулк объектининг бир қисми бегоналаштирилганда объектнинг қолган қисмига ёки реконструкциясиз тоифаси ўзгарганда;
—кадастр йиғмажилди (паспорти) йўқолганда (яроқсиз ҳолга келганда).
Ушбу ҳолларда кадастр паспорти 3 иш куни мобайнида расмийлаштирилади.