Қўқон шаҳрида кўп қаватли уйларнинг бирида яшовчи аёл ёш боласи билан лифтда қамалиб қолиши натижасида ҳушидан кетди.
Қурилиш вазирлигига кўра, айни вақтда Фарғона вилояти Қурилиш ва уй-жой коммунал хўжалиги бош бошқармаси ҳамда бошқарманинг Қўқон шаҳар бўлими, Қўқон шаҳар ҳокимлигининг масъул ходимларидан иборат тезкор ишчи гуруҳ ташкил этилиб, мазкур масала жойида ўрганилмоқда. Она-бола қутқариб олинган.
Ҳозирда мазкур масала бўйича ўрганиш ишлари олиб борилмоқда. Ҳолат бўйича қўшимча маълумот берилиши айтилган.