Буюк Британия Қозоғистон ҳукуматига нефть ва газни экспорт қилиш йўлларини топишда ёрдам беришдан манфаатдор. Бу ҳақда Остонада расмий ташриф билан бўлган Бирлашган Қироллик ташқи ишлар вазири Жеймс Клеверли маълум қилди.
Дипломатнинг сўзларига кўра, у мамлакат нефтини Европа бозорига етказиб беришнинг муқобил йўлларини қозоғистонлик ҳамкасби билан муҳокама қилди.
Клеверли Британия ҳукумати Қозоғистон иқтисодий базасини ҳимоя қилиш ва диверсификация қилишга ёрдам бериш устида иш олиб боришини билдирди.