АҚШнинг Мичиган университети олимлари қулоқларда пайдо бўладиган ички шовқиндан халос бўлишнинг самарали усулини топди. Бу ҳақда Соғлиқни сақлаш вазирлиги хабар бермоқда.
Бунинг учун шахсий стимуляция учун мўлжалланган ва махсус дастурга эга портатив қурилма ясалиб, тадқиқот иштирокчиларига берилди.
Олти ҳафталик синов якунида электротерапия ва товуш муолажаси комбинацияси орқали қатнашчиларнинг 60 фоиздан ортиғида қулоқдаги шовқин белгилари йўқолди.
Шу боис мутахассислар янги даволаш усули мазкур хасталикдан азият чекаётган миллионлаб инсонлар дардига малҳам бўлишига умид билдирмоқда.