Президент қарорига кўра, 2025 йил 30 март Рамазон ҳайити байрами сифатида кенг нишонланади.
Тегишли тадбирлар амалга оширилади, жумладан, юртдошларимизга тарихий қадамжолар ва зиёратгоҳларга ташриф буюриш учун қулай шароитлар яратилади.
Дам олиш кунлари тартиби:
29 март (шанба) – 5 кунлик иш ҳафтасидаги ходимлар учун дам олиш куни, 6 кунликда ишлайдиганлар учун иш куни.
30 март (якшанба) – Рамазон ҳайити байрами куни, барча учун дам олиш куни.
31 март (душанба) – ишга чиқилмайдиган байрам куни дам олишга тўғри келгани сабабли қўшимча дам олиш куни.