Чеченистон раҳбари Рамзан Қодиров Украина Президенти Владимир Зеленскийнинг АҚШ расмийларига Венесуэладаги каби махсус операция ўтказиб, уни ўғирлаш ҳақидаги чақириғига кескин муносабат билдирди. Бу ҳақда новости маил нашри хабар берди.
Қодиров ўзининг Telegram каналида эълон қилган баёнотида Украина раҳбарини танқид остига олиб, бу каби чақириқларни Киевнинг ҳақиқий тинчликка интилмаётганининг яна бир исботи сифатида баҳолади. Унинг таъкидлашича, Зеленский бундай ғояларни шахсан амалга ошириш ҳақида эмас, балки учинчи томонлар орқали рақибларини йўқ қилишга чақирмоқда.
“У мени ўғирлаб кетиш ҳақидаги фикрни илгари сурмоқда, бироқ буни ўзи амалга оширишга ҳам уринмайди. У четда туриб, бошқа биров бу ишни қилаётганини томоша қилишни истайди”, — дея ёзган Қодиров.
Чеченистон раҳбари Вашингтонга қаратилган бундай мурожаатларни хўрловчи деб баҳолаб, уларни Украина раҳбариятининг тинчлик музокараларини бузишга уринишлари билан изоҳлади.
Шунингдек, Қодиров Чеченистонга қарши ҳар қандай куч ишлатиш уринишлари оғир оқибатларга олиб келишини таъкидлаб, Зеленскийни бундай ҳаракатлардан огоҳлантирди.
Аввалроқ Владимир Зеленский АҚШ Венесуэлага нисбатан қўлланган «тажриба»ни қўллаб, Рамзан Қодировга қарши Николас Мадурога қарши амалга оширилган операцияга ўхшаш чоралар кўриши кераклигини билдирган эди. Унинг фикрича, бундай босим Россия раҳбариятини қарорларини қайта кўриб чиқишга мажбур қилиши мумкин.