Карло Анчелотти бошчилигидаги "Реал Мадрид" Испания чемпионатида қаторасига 24 учрашувдан бери мағлуб бўлмаяпти (18 ғалаба, 6 дуранг).
Манбага кўра, Испания Ла лигасининг 30-турида "Атлетик Билбао"ни мағлуб этган (2:0) "Реал Мадрид" жамоасининг сўнгги 27 йилдаги энг яхши cериясини такрорлади. Бундай натижага охирги марта жамоа италиялик мутахассис Фабио Капелло бошчилигидаги 1996/1997 йилги мавсумда эришган эди. Ўшанда "Реал" 16 учрашувда ғалаба қозонган ва 8 учрашувда дуранг қайд этган.
Испания чемпионатининг 30-туридан сўнг "Реал" 75 очко жамғариб, биринчи ўринда бормоқда.