Рим папаси Россия президенти Владимир Путинга мурожаат қилиб, дон битимини қайта тиклашга чақирди.
«Уруш ҳамма нарсани, ҳатто ғаллани ҳам йўқ қиладиган азобли Украина учун ибодат қилишдан тўхтамаймиз. Бу худога нисбатан оғир ҳақоратдир, чунки дон унинг инсониятни озиқлантириш учун туҳфасидир», - деди Рим папаси Франсиск якшанба кунги ваъзидан сўнг.
Унинг қўшимча қилишича, миллионлаб очликдан азоб чекаётган инсонларнинг фарёди осмонга кўтарилиши мумкин. Шу билан бирга, Френсис Россия расмийларини «биродарлар» деб атади.
«Мен биродарларимга, Россия ҳукуматига Қора денгиз ташаббусига қайтиш ва донни хавфсиз ташишни илтимос қиламан», — деди понтифик.