Америка Қўшма Штатлари россиялик тадбиркор Константин Малофеевдан мусодара қилинган қарийб 5,4 миллион долларни Украинага ўтказганини эълон қилди.
Бу ҳақда АҚШ Адлия вазирлигида ўзининг украиналик ҳамкасби Андрей Костин иштирокида бўлиб ўтган тадбирда сўзга чиққан АҚШ бош прокурори Меррик Гарланд маълум қилди.
“Бугун мен мусодара қилинган Россия активларини Украинада фойдаланиш учун биринчи марта ўтказишга рухсат берганимни эълон қиламан”, — дея хабар беради СНН Бош прокурор.
“Биз Қўшма Штатлардан қатъий ҳаракат ва қўллаб-қувватлагани учун миннатдормиз. Украина халқи буни ҳеч қачон унутмайди”, — деди Костин бунга жавобан.
Малофеев 2014 йилдан бери АҚШ санкциялари остида. 2022 йил апрель ойида унга нисбатан Америка чекловлари кенгайтирилди.