Россия аскарлари бешта йўналишда фаол ҳужумларни бошлади. Бу ҳақда Тhe New York Times нашри хабар бермоқда.
Қайд этилишича, авдеевканинг қўлга олиниши Россия Қуролли кучларини Угледарга ҳужум қилиш имконини оширган. Руслар олдин ҳам шаҳарни эгаллашга уринган, бироқ катта талафотларга учраганди.
Шунингдек, рус қўшинлари томонидан Маринкани қўлга олиниши ва Новомихайловкага ҳужум таҳдиди мавжуд.
Катта ҳужум Роботино ҳудудида ҳам бошланиши мумкин. Россия Қуролли Кучлари Авдеевка йўналишига қараганда Запорожe йўналишида кўпроқ кучларни жамлаган.
Шунингдек, ҳужум Часов Яр томон ва Кременная - Купянск линияси бўйлаб давом этмоқда. Бу ерда Россия 100 000 кишилик гуруҳни жамлаган.