28-ноябр куни соат 21:50 да Тайлоқ тумани “Беклар” маҳалласида яшовчи 1985-йилда туғилган К.А. ва унга таниш бўлган Ғ.Р. ҳамда Н.Р. ўртасида келишмовчилик оқибатида жанжал келиб чиққанлиги ҳақида маълум қилинди. Бу ҳақда Самарқанд вилояти ИИБ хабар берди.
Жанжалдан сўнг К.А. ўз фарзандлари билан бирга Ғ.Р. ва Н.Р. бошқарувидаги иккита юк автомашиналарига бензин сепиб, ёқиб юборган. Ёнғин тез фурсатда ўчирилиб, бошқа транспорт воситаларига зарар етказилиши олди олинган.
Ҳолат бўйича 29-ноябр куни Тайлоқ тумани ИИБ ҳузуридаги тергов бўлинмаси томонидан Ўзбекистон Республикаси Жиноят кодексининг 173-моддаси 2-қисми билан жиноят иши қўзғатилди. Гумонланувчи шахсларга нисбатан қамоққа олиш эҳтиёт чораси қўлланган.
Ҳозирда дастлабки тергов ҳаракатлари давом этмоқда, дея хабар берди Самарқанд вилояти ИИБ Ахборот хизмати.