Самарқанд шаҳрида Траскер-2 ҳайдовчиси велосипед бошқариб кетаётган 12 ёшли болани уриб юборди. Бу ҳақида вилоят ЙҲХБ хабар берди.
Маълум қилинишича, ҳолат 23-cентабрь куни соат 19:10 ларда Самарқанд шаҳар Афросиёб кўчасида содир бўлган. Траскер-2 ҳайдовчиси пиёдалар ўтиш жойидан ўтаётган, вояга етмаган, 2012 йилда туғилган велосипедчини уриб юбориб, ЙТҲ келтириб чиқарган.
Оқибатда велосипедчи тан жароҳати олиб, Самарқанд шаҳар тиббиёт бирлашмасига ётқизилган. Ҳолат юзасидан Самарқанд шаҳри бўйича ЙҲХБ томонидан дастлабки суриштирув ишлари олиб борилмоқда.