Ўзбекистон ҳукумати Россиянинг “LUKOIL”га нисбатан киритилган санкциялар масаласида АҚШ Молия вазирлигининг Ташқи активларни бошқармаси билан ишламоқда. Бу ҳақда энергетика вазири Жўрабек Мирзамаҳмудов Олий Мажлис Қонунчилик палатасининг навбатдаги мажлисида маълум қилди.
Мажлисда депутат вазирдан “LUKOIL”га киритилган санкциялар Ўзбекистондаги лойиҳаларга қандай таъсир қилиши ва санкцияларнинг жорий этилиши Ўзбекистон ёқилғИ энергетика соҳасига ҳам таъсир қилиш ёки қилмаслигини сўрагaн.
“Биз халқаро нормаларга, санкция режимига тўлиқ риоя қилган OFAC — АҚШ Молия вазирлигининг Ташқи активларни назорат қилиш бошқармаси билан бевосита ишлаб турибмиз. Халқаро ҳуқуқшунос жалб қилинган, “LUKOIL” масаласида ҳам бирга ишлаяпмиз”, - деди Энергетика вазири Жўрабек Мирзамаҳмудов.
Жорий йилнинг октябрь ойида АҚШ Молия вазирлиги Россиянинг йирик нефть компанияларидан бири “LUKOIL” га нисбатан санкциялар жорий қилган эди. Шундан сўнг Европа Иттифоқи ва Буюк Британия ҳам чекловлар жорий қилган эди.
Қўшма Шататлар компанияга операцияларини якунлаш учун бир ой муддат берган эди. LUKOIL шу вақтда ўзининг халқаро активларини сотиш режасини маълум қилди.
Аввалроқ Швейцариянинг “Gunvor Group” трейдери “LUKOIL International GmbH”ни сотиб олиш бўйича таклиф берган, аммо 7 ноябрь куни компания бу режадан воз кечганини маълум қилди. Бу қарор АҚШ Молия вазирлиги Gunvor'ни Россия билан алоқалар ҳақида огоҳлантирганидан кейин қабул қилинган.
Аввалроқ Яқинда АҚШ Молия вазирлиги Американинг янги санкциялар пакетига “LUKOIL” ва унинг шўба тузилмаларини киритди. Қўшма Штатлар “LUKOIL” ва унинг 50 фоизи ва ундан кўп улушга эга бўлган шўба корхоналари билан операцияларни якунлаш учун бир ой муҳлат берди. Шундан сўнг, “LUKOIL” чеклов чоралари жорий этилиши муносабати билан ўзининг халқаро активларини сотиш ниятида эканлигини маълум қилди.
30 октабр куни “LUKOIL” “Gunvor Group” халқаро нефть трейдинг компаниясидан Россия компаниясининг хорижий активларига эгалик қилувчи “LUKOIL” “International GmbH” компаниясини сотиб олиш бўйича таклиф олганини эълон қилди. Таъкидлаш жоизки, Шветсариянинг “Gunvor Group” хомашё трейдерига россиялик олигарх Геннадий Тимченко ва унинг швециялик ҳамкори Торберн Тернквист асос солган.
Бироқ, 7 ноябрь куни Гунвор ўз таклифини қайтариб олишини маълум қилди. Компания ушбу баёнотни АҚШ Молия вазирлиги унинг Россия билан алоқалари ҳақида хабар берганидан ва Россия-Украина уруши давом этаётган бир пайтда Гунвор бизнес юритиш учун лицензия олмаслиги тўғрисида огоҳлантирганидан сўнг берди.
“LUKOIL” 11 мамлакатда, жумладан, Болгария, Руминия ва Нидерландиядаги нефтни қайта ишлаш заводлари, Европадаги АЁҚШ тармоғи, Озарбайжон, Қозоғистон, Ўзбекистон, Ироқ, Миср, БАА, шунингдек, Африка ва Лотин Америкаси мамлакатларидаги нефть қазиб олиш лойиҳалари каби активларга эгалик қилади.
“LUKOIL” бугун 11 мамлакатда — Европа, Яқин Шарқ, Марказий Осиё, Африка ва Лотин Америкасида — нефтни қайта ишлаш, ёқилғи савдоси ва қазиб олиш лойиҳаларига эгалик қилади. Ўзбекистондаги лойиҳалар ҳам ушбу глобал занжирнинг бир қисми ҳисобланади.