27 март куни Саудия Арабистонида Умра зиёратчилари кетаётган автобус ҳалокатга учраши натижасида 20 киши ҳалок бўлди.
2023 йил 28 март куни Саудия Арабистонида Умра зиёратчилари кетаётган автобус ҳалокатга учрагани тўғрисидаги хабар тарқалди. Ўзбекистон мусулмонлари идораси мазкур автобусда ўзбекистонлик фуқаролар йўқлигини маълум қилиб, воқеа юзасидан маълумот берди.
Маълум бўлишича, шу йил 27 март куни яманлик йўловчилар бўлган автобус Саудия Арабистонининг Абҳа шаҳридаги кўприкдан ўтаётган вақтда тормоз тизимидаги носозлик сабабли енгил автомобиль билан тўқнашиб ёниб кетган. Ушбу машъум ҳодиса оқибатида 20 киши ҳалок бўлган, 29 киши тан жароҳати олган.