Шавкат Мирзиёев Швейцария Президентига табрик хати йўллади. Бу ҳақда Президент матбуот котиби Шерзод Асадов маълум қилди.
Қайд этилишича, Ўзбекистон раҳбари ўз хатида Швейцария Конфедерацияси Президенти Инясио Кассисни миллий байрам - Швейцария Конфедерацияси ташкил топган кун билан қутлаган.
Эслатиб ўтамиз, бундан олдин Шавкат Мирзиёев Бирлашган Араб Амирликлари Қуролли кучлари Олий бош қўмондони ўринбосари, Абу Даби Амирлиги валиаҳди Шайх Муҳаммад бин Зоид Ол Наҳаённи мамлакат Президенти этиб сайлангани билан табриклаганди.