Таниқли эксперт Шоҳида Ибрагимова молиявий саводхонликдан дарс бериб 2 ойда 300 нафар ўқувчини натижага чиқаргани сабабли Гиннесс халқаро рекордлар китобига киритилди.
Қайд этилишича, у ушбу дарсларни Ўзбекистон Республикаси Президентининг тегишли фармонига мувофиқ, мамлакатимиздаги оилаларни мустаҳкамлаш, хотин-қизларнинг ижтимоий-сиёсий фаоллигини ҳамда бандлигини ошириш, тадбиркорлик кўникмаларини шакллантириш, гендер тенглигини таъминлаш мақсадида ташкил этган.
Эслатиб ўтамиз, Шоҳида Ибрагимова, аввалроқ, мактабларда Молиявий саводхонлик фанини киритилишини сўраб Президентга таклиф билан чиққан ва бунга эришган. Ҳозирги кунда молиявий саводхонлик фани 8, 9, 10, 11-синфларнинг таълим дастурига киритилган.