Швеция ва Финляндиянинг НАТОга киришини ратификация қилиш жараёни бошланди, деб хабар қилди НАТО бош котиби Йенс Столтенберг.
Финляндия ва Швеция 18 май куни НАТОга аъзо бўлиш учун ариза топширган. Аризаларни муҳокама қилиш Туркия томонидан блокланган, бироқ кейинчалик эътирозларини қайтариб олган. Кейинчалик, 29 июнь куни НАТО раҳбарияти давлатларни алянсга қўшилишга таклиф қилишга қарор қилди. Агар барча аъзо давлатларнинг парламентлари ушбу қарорни ратификация қилсалар Швеция ва Финляндия НАТОга аъзо бўлади.