Швейцария Россиянинг 7,5 миллиард франк (тахминан 8 миллиард доллар) миқдоридаги молиявий активларини музлатиб қўйди.
Бунга Украинадаги ҳарбий амалиётлар сабаб бўлгани қайд этилган.
“Швейцария Европа Иттифоқининг Москвага қарши санкцияларига қўшилишга қарор қилди, бу эса банкларни санкциялар объектига айланган мижозлар ёки фирмалар ҳақидаги маълумотларни узатиш мажбуриятини юклади”, — дейилади хабарда.
Маълум қилинишича, ҳозирги вақтда Швейцария банкларига россияликлар, Россияда жойлашган жисмоний ёки юридик шахслардан 100 минг франкдан ортиқ миқдорда депозитларни қабул қилиш тақиқланган.