Кеча 9 - август куни Кинематография агентлигида Туркия Республикасининг “Altınkesit” кинокомпанияси вакиллари билан учрашув бўлиб ўтди.
Учрашувда агентлик раҳбарияти, "Altınkesit” кинокомпанияси директори Мустафо Гунеш, ссенарист, режиссёр Исмаил Гунеш, бош маслаҳатчи Зебинисо Камалова, кинокомпания менеджери Меҳмет Булбул, кинокомпания ҳамкори Мустафо Пекчайлар иштирок этишди.
Ўзбек ва турк киноижодкорлари иштирокидаги учрашувда янги — “Соҳибқирон Амир Темур” тарихий сериали ҳақида сўз борди.
Эндиликда суратга олиниши кутилаётган “Соҳибқирон Амир Темур” сериалининг илк лойиҳаси тақдим этилди. Шунингдек, учрашув давомида иккала томоннинг ҳам янги кинолойиҳа бўйича фикрлари тингланиб, таклифлар берилди.