Хитойнинг технологик гиганти Baidu компанияси мушукларнинг ҳиссиёт ва эҳтиёжларини инсон тилига таржима қилувчи сунъий интеллект тизими устида ишламоқда.
Маълумотларга кўра, янги тизим мушукларнинг овози, тана ҳаракати, юз ифодаси ва биосигналларини таҳлил қилиб, уларнинг ҳолатини сунъий интеллект орқали аниқлайди. Шундан сўнг, ҳайвоннинг ҳиссий ҳолати инсон тушунадиган шаклда ифодаланади.
Мазкур технология нафақат мушуклар билан “мулоқот” қилиш, балки уларнинг соғлиғини кузатиш, стресс ёки оғриқ ҳолатларини аниқлашда ҳам ёрдам беради.
Технологияни тўлиқ шакллантириш жараёни беш йилгача давом этиши мумкинлиги айтилмоқда.