2025 йилги Ўзбекистон Суперлигасининг сўнгги тури 30 ноябр куни ўтказилди. Ушбу тур доирасида бир қатор муҳим учрашувлар бўлиб ўтди ва улар чемпионатнинг якунлий манзарасига ўз таъсирини кўрсатди. “Нефтчи” сафарда “Хоразм”га 0:2 ҳисобида ютқазиб қўйди. А. Хусинов ҳамда М. Бобожонов томонидан киритилган голлар мезбонларга ғалаба келтирди.
Бухорода кечган ўйинда “Сурхон” кичик ҳисобда ғалаба қозонди — 1:0. Р. Турдимуродовнинг 15-дақиқадаги голи меҳмонлар учун ҳал қилувчи бўлди. Учрашув якунита “Бухоро” футболчиси Жавоҳир Рўзиев майдондан четлатилди. Шунингдек, “Қўқон-1912” ўз майдонида “Сўғдиёна”ни 2:0 ҳисобида мағлуб этиб, мавсумни ғалаба билан якунлади.
Тошкентдаги “Олимпия” стадионида эса ўта қизғин ўйин бўлиб ўтди. “Андижон” мезбон “Бунёдкор” устидан 2:1 ҳисобида зафар қучди. Ш. Азмиддиновнинг пенальтиси ва У. Исмоналиевнинг аниқ зарбаси меҳмонлар ғалабасини таъминлади. “Бунёдкор”дан И. Ашортия охирги дақиқаларда биттасини қайтарди, бироқ бу натижани ўзгартиролмади.