Куни-кеча Бойсун тумани “Қизил канён” ҳудудида ўтказилган ҳаво шарларини учириш фестивалида иштирокчилар қир-адирликларда бойчечак гуллаганига гувоҳ бўлишган.
Об-ҳавонинг ҳар йилгидан кўра илиқ ва мўътадил келиши баҳор элчиси бўлган ушбу гулнинг эрта очилишига сабаб бўлган.
Бойчечакнинг очилиши бир томондан янгиланиш фаслининг кириб келаётганлигини англатиб, кўнгилга хурсандчилик улашса, бошқа томондан йилдан-йилга ҳарорат кўтарилиб, экологик муаммолар тобора долзарблашиб бораётганлигини билдиради.