Россия президенти Владимир Путин “Толибон” ҳаракатини террорчи ташкилотлар рўйхатидан чиқаришга рухсат берувчи қонунни имзолади.
Ушбу қонунга кўра, Россияда “террорчи” деб эълон қилинган ташкилот фаолиятига қўйилган тақиқни бош прокурор ёки унинг ўринбосарининг даъвоси асосида суд қарори билан бекор қилиш таклиф этилмоқда.
Бундай мазмундаги қарорни қабул қилиш учун бундай ташкилот кўрсатиб ўтилган рўйхатга киритилганидан кейин терроризмни тарғиб қилиш, оқлаш ва қўллаб-қувватлашга қаратилган фаолиятни амалга оширишни тўхтатгани тўғрисидаги аниқ маълумотлар бўлиши керак.