Тошкентда 3 та машина аварияга учради
Оқибатда ҳайдовчилардан бири ҳалок бўлган.
Кеча, 9 июль куни Сергели туманининг Қипчоқ кўчасида 3 та автомашина иштирокида йўл-транспорт ҳодисаси юз берди. Унда 2 та Спарк ва 1 та Ҳонда русумли автомашиналар ўзаро тўқнашиб кетган.
ЙТҲ оқибатида 3 нафар фуқарога тез тиббий ёрдам ходимлари томонидан биринчи ёрдам кўрсатилган.
Тўқнашув оқибатида Спаркда бўлган ҳайдовчи аёл шифокорларнинг сай ҳаракатларига қарамасдан олган тан жароҳатлари натижасида вафот этган. Шунингдек, яна 2 киши жароҳатланиб, шифохонага ётқизилган.
Ҳозирда мазкур ҳолат юзасидан Тошкент шаҳар ИИББ Тергов бошқармаси томонидан Жиноят кодексининг 266-моддаси 2-қисми билан жиноят иши қўзғатилган.
