Ижтимоий тармоқларда Тошкент шаҳридаги қурилиш компанияларидан бирининг ишчи ходими ичимлик сувида машина юваётгани акс этган хабар тарқалди.
Экология, атроф-муҳитни муҳофаза қилиш ва иқлим ўзгариши вазирлигининг хабар беришича, мазкур ҳолат зудлик билан Экология вазирлиги Тошкент шаҳар бошқармаси давлат инспекторлари томонидан назоратга олиниб, ўрганиб чиқилган.
Ўрганиш натижасида ишчи ходимга нисбатан Маъмурий жавобгарлик тўғрисидаги кодекснинг 72-моддасига биноан маъмурий баённома расмийлаштирилиб, жарима белгиланган.
Шунингдек, шу ва шунга ўхшаш ҳолат қайта содир этилмаслиги юзасидан фуқарога нисбатан давлат инспекторлари томонидан қатъий огоҳлантириш ишлари олиб борилган.