Тошкентда 27 июнь куни қуёшнинг ультрабинафша нурланиш даражаси юқори бўлиши кутилмоқда. Хусусан, соат 13:00 ва 14:00 оралиғда қуёш ультрабинафша нурлари 12 баллик тизимда 11 баллик даражага етади.
Мутахассисларнинг фикрича бундай ноқулай об-ҳаво инсон терисида бир қатор касалликларни келтириб чиқариши мумкин. Оқибатда терида қичишиш ва шишлар кузатилади.
Бундан ташқари, нурланиш индекси юқори бўлган вақтда очиқ ҳавода узоқ вақт юриш саратон касаллигига мойилликни ошириб, иммунитетни пасайтиради. Мутахассислар бу каби ноқулай об-ҳаво шароитида қуёш нурлари остида узоқ вақт юрмасликни тавсия этади.