Туркияда қурилиш ишлари олиб борилаётганда тасодифан эллинистик ва Рим даврига оид аҳоли пункти топилган.
“Самсуннинг Илкадим ҳудудида қурилиш ишлари олиб борилганда эллинистик, Рим ва Шарқий Рим даврларига тегишли эканлиги тахмин қилинган турар-жой топилди”, — дейилади хабарда.
Ушбу харобаларнинг энг муҳим қисми сув таъминоти инфратузилмасидир.
Тангалар, кулолчилик буюмлари, кошинлар, қабрлар ва меъморий қолдиқлар топилган ҳудуднинг қадимда аҳоли турар жойи бўлганлиги тахмин қилинади.
Топилма жойида қазиш ишлари давом этмоқда.